د کاپیسا ولایت د اله سای ولسوالۍ له مسوولینو او قومي مشرانو سره د دغه ولایت د تخنیکي هیئت کتنه
د کاپیسا ولایت د ځمکو د غصب د مخنیوي تخنیکي هیئت د شوال میاشت په ۱۷ نېټه د یکشنبې په ورځ د امارتي ځمکو د غصب د مخنیوي او د غصب شویو ځمکو د استرداد په منظور د دغه ولایت د اله سای ولسوالۍ له مسوولینو، علمای کرامو، مجاهدینو او قومي مشرانو سره وکتل او خبرې یې ورسره وکړې.
په دغې کتنه کې، د اله سای ولسوالۍ ولسوال د دغې ولسوالۍ د امارتي مسوولینو او اوسیدونکو په استازیتوب د یاد هیئت له راتګ څخه هرکلی وکړ او له یاد هیئت سره یې د هر اړخیزې همکارۍ ژمنه وکړه.
په دغې ناسته کې، د ځمکو د غصب د مخنیوي او د غصب شویو ځمکو د استرداد او دغې برخه کې د عالیقدر امیرالمومنین حفظه الله د فرمان په اړه ګډونکوونو ته معلومات ورکړل شول او د یادې ولسوالۍ د ټولو ساحو د ځمکو د استرداد د څرنګوالي په اړه بحث او د نظر تبادله وشوه او د دغې ولسوالۍ له اړوندو مسوولینو او اوسیدونکو څخه وغوښتل شول ترڅو د غصب د مخنیوي او د غصب شویو امارتي ساحو د استرداد په برخه کې له دغه هیئت سره همکاري وکړي.
په پای کې د دغې ولسوالۍ مسوولینو او اوسیدونکو له یادهیئت سره د هر ډول همکارۍ ژمنه وکړه.
