د هرات ولایت د ځمکو د غصب د مخنیوي د تخنیکي هیئت د ناستې جوړیدل
د هرات ولایت د ځمکو د غصب د مخنیوي د تخنیکي هیئت ناسته د شوال میاشت په ۱۱ نېټه د دوشنبې په ورځ د دغه هیئت د رئیس او غړو په حضور سره جوړه شوه او ځینې دوسیې په کې بحث او بررسي لاندې ونیول شوې.
په دغې ناسته کې، د کاریز جغرات (د میهن ښارګوټي) د ملکیت موضوع چې وړاندې بررسۍ لاندې وه او هیئت دغه ساحه له نږدې څخه لیدلې وه، د بحث او بررسۍ لاندې ونیول شوه او پریکړه وشوه چې دوسیه یې د وروستي تصمیم نیولو پورې مرکزي کمېسیون ته واستول شي.
دغه راز په یاده ناسته کې د دغه ولایت د مستوفیت اړوند د مسلخ ملکیت د دوسیې، د رباط سنګي ولسوالۍ اړوند د چاه ګل بای، یکه چاه او شاه غلام څړځایونو د بشپړې شوې دوسیې او د سبول او روزنک خلکو د شخړې لاندې قطعې دوسیې په اړه بحث وشو او پریکړه وشوه چې یادې شوې دوسیې د وروستي تصمیم نیولو له پاره مرکزي کمېسیون ته واستول شي.
یاد هیئت د میرمنه، رباط سرخ او پهلوان پیري ساحو د راپورونو او اجراآتو بشپړولو او د اجرا لاندې موضوعاتو له پاره د هیئت د تعیین په اړه بحث او خبرې وکړې.
