د بلخ ولایت د ځمکو د غصب د مخنیوي د تخنیکي هیئت ناسته جوړه شوه
د بلخ ولایت د ځمکو د غصب د مخنیوي د تخنیکي هیئت ناسته د ۱۴۴۴ هجري قمري کال د شعبان د میاشت په ۲۰ نېټه د یکشنبې په ورځ ددغه هیئت د رئیس او غړو په حضور سره جوړه شوه او په پیل کې د تېرې ناستې اجراآت و ارزول شول او ددغه هیئت رئیس مرکز ته د خپل سفر په اړه توضیح ورکړه.
دغې ناسته کې، په خوست ولایت کې د یو شخص د ۴۲۰ جریبه د ځمکې بدیل ویشل د تائید وړ وګرځیدل. دغه راز د استخباراتو ریاست په وړاندې د دوو تنو د ادعا موضوع بحث لاندې ونیول شوه او پریکړه وشوه چې له اړونده ریاست څخه سندونه او معلومات او استازي وغوښتل شي.
دغه راز یاده ناسته کې، د څیړنیز فارم د ۳۷۵ جریبه ځمکې په اړه تصمیم ونیول شو چې د یادې ساحې مشران راتلونکې ناستې ته وغوښتل شي ترڅو یاد اوسیدونکي دخپل په تصرف کې د ساحو په اړه د معلوماتو وړاندې کولو سره له دغه هیئت سره همکاري وکړي.
دغې ناسته کې، یو شمېر عریضې چې ددغه هیئت په پته استول شوې وې، هم بحث لاندې ونیول شوې او دغې برخه کې لازمې لارښوونې وشوې. دغه راز د مارمل د بې ځایه شویو د پروژې د ۱۱۶۳ جریبه ځمکې د استرداد راپور بشپړ او کاپي یې د کرنې ریاست ته واستول شوه ترڅو بیا مرکزي کمېسیون ته واستول شي.
