د جلال آباد ښار د څلورمې ناحیې له دوکاندارانو سره د ځمکو د غصب د مخنیوي کمېسیون د مشرتابه پلاوي کتنه
د ځمکو د غصب د مخنیوي او د غصب شویو ځمکو د استرداد کمېسیون د مشرتابه پلاوي د عدليې وزارت د سرپرست شیخ الحدیث مولوي عبدالحکیم شرعي په مشرۍ او اړوندې ځانګړې محکمې د ۱۴۴۴ هجري قمري کال د شعبان میاشت په ۲۰ نېټه د یکشنبې په ورځ د جلال آباد ښار د څلورمې ناحیې د دوکاندارانو او د مارکېټونو له مالکانو سره وکتل او خبرې ورسره وکړې.
دغه پلاوي، د هغوی وړاندیزونه او ستونزې واوریدلې او د ننګرهار ولایت ښاروالۍ ته يې لارښوونه وکړه ترڅو د هغوی ستونزو ته رسیدګي وکړي.
دغه راز یاد کمېسیون، ددغې ناحيې د زوړ ښار له اوسیدونکو سره وکتل او د هغوی وړاندیزونه او ستونزې یې واوریدلې او له هغوی څخه یې د هغوی د ملکیت سندونه وغوښتل.
یاد شوي کمېسیون د ننګرهار ولایت ښاروالۍ ته لارښوونه وکړه چې د قانون په چوکاټ کې له هغوی سره همکاري وکړي
