پروان ولايت کي څه دپاسه ۳۶۰ جریبه ځمکه تشخیص او تثبیت شوه
پروان ولايت کي د ځمکو د غصب د مخنيوي تخنیکي هیئت ددغه ولایت د بګرم ولسوالۍ په خم کلان سیمه کې دوه کلیو ته ولاړ او د ځمکو د غصب د مخنیوي او د غصب شویو ځمکو د استرداد په برخه کې عملي اقدامات ترسره کړل.
یاد شوي هیئت د ځمکو د ادارې او د کدستر د فني غړو په همکارۍ، دغې ساحه کې خپل بررسي د ۴۷ تنو غاصبینو پر کورونو او کرنیزو ځمکو ترسره کړې او د بررسۍ په ترڅ کې ۳۶۰.۹۹۱ جریبه ځمکه تشخيص او تثبيت کړه.
غاصبینو دغې ساحه کې د ځمکو لاندې اوبو څخه کار اخیستلی او هم یې یو اندازه ځمکه په للمي ډول کښت لاندې نیولې او یو اندازه یې هم پلورلې ده. یاد شوي هیئت، دغې ساحه کې د ځمکې له غصب څخه مخنیوی کړی او د یو کوهي کار يې هم بند کړ. دغه راز د یادې ساحې د تصفیې په منظور یې د غاصبینو جدول ترتیب کړ.
