د فراه ولایت د تخنیکي هیئت ناسته جوړه شوه
د فراه ولایت د ځمکو د غصب د مخنیوي د تخنیکي هیئت ناسته د شعبان میاشت په ۱۹ نېټه د شنبې په ورځ د کرنې او مالدارۍ ریاست د رئیس په مشرۍ او ددغه هیئت د غړو په حضور سره جوړه شوه او ددغه هیئت د تېرو کارونو په اړه مفصل بحث وشو.
د فراه ولایت تخنیکي هیئت د قلعه کاه د شمس کاریز په ساحه کې نوي تصرفات بند کړل او د بکواه ولسوالۍ د سیاو آغا د ساحې په اړه يې د استعلامونو ځوابونه یې ترلاسه کړل.
په همدې توګه د فراه ولایت د مرکز اړوند د خواجه احمد ساحې په تړاو چې په اړه یې یو شمېر افراد او اشخاص په خپلو کې شخړه لري بحث وشو او د شخړې دواړه لوري یې د هیئت راتلونکې غونډې ته وغوښتل.
یاد شوي هیئت د فراه ولایت د مرکز اړوند د خرمالق سیمې متصرفین چې پر مخروبه ځمکو یې تاسیسات جوړ کړي وو، د ضمانت په اخیستلو سره آزاد کړل او له هغوی څخه یې ژمنه واخیستله چې په راتلونکې کې به پر دغو ځمکو تصرف و نه لري.
