د ځمکو د غصب د مخنیوي کمېسیون د مشرتابه له پلاوي سره د میدان وردک ولایت د والي کتنه
د میدان وردک ولایت والي حافظ حاجي امین جان کوچي او ورسره مل پلاوي د ۱۴۴۴ هجري قمري کال د شعبان میاشت په ۱۷ نېټه د پنجشنبې په ورځ د ځمکو د غصب د مخنیوي او د غصب شویو ځمکو د استرداد کمېسیون د مشرتابه له پلاوي او د اړوندې ځانګړې محکمې له غړو سره په ننګرهار ولایت کې وکتل او خبرې یې ورسره وکړې.
دغه ناسته د پنجشنبې د ماښام له لمانځه څخه وروسته، د عدليې وزارت د سرپرست او د ځمکو د غصب د مخنیوي او د غصب شویو ځمکو د استرداد کمېسیون رئیس شیخ الحدیث مولوي عبدالحکیم شرعي په مشرۍ او ددغه کمېسیون د ځانګړې محکمې د غړو او د میدان ورک ولایت د عدليې رئیس، د امارت د قضایاو آمر او د نورو سیمه ییزو مقاماتو په حضور سره جوړه شوه.
دغې ناسته کې په یاد ولایت کې د ملي پراختیا د پروژې د تطبیق په اړه بحث او د نظرونو تبادله ترسره شوه او دغې برخه کې لازم تصمیمونه ونیول شول.
