د بادغیس ولایت د عدليې ریاست اداري ناسته جوړه شوه
د بادغیس ولایت د عدليې ریاست اداري ناسته د ربیع الاول میاشت په ۲۹ نېټه د سه شنبې په ورځ د عدليې رییس الحاج ملا عبدالرازق مرزوقي په مشرۍ او د عدليې ریاست د امرینو او کارکوونکو په ګډون د دغه ریاست په مقر کې جوړه شوه.
په دغې ناسته کې، د عدليې رییس د دغه ریاست کارکوونکو ته توصیه وکړه چې له خپلو امرینو څخه اطاعت وکړي او له مراجعینو سره ښه رویه ولري او د هغوی د ستونزو په حل کې صادقانه همکاري وکړي.
دغه راز نوموړي د دغه ریاست له کارکوونکو څخه وغوښتل چې له اصولو سرسم بې له کوم ځنډ څخه عرایضو ته رسیدګي وکړي او خپل صورت او سیرت شریعت سره سم عیار کړي.
دغه راز د عدليې رییس د دغه ریاست کارکوونکو ته توصیه وکړه چې خپل لمونځونه په جماعت سره ادا کړي او هغو فرامینو ته چې د وزارت له لوري استول کیږي په عاجله توګه عمل وکړي.
په دغې ناسته کې د عدليې ریاست امرینو او کارکوونکو ژمنه وکړه چې خپل مسوولیتونه به، په پوره صداقت او ایماندارۍ سره سرته ورسوي.
