د پنجشیر ولایت د عدليې ریاست د اداري ناستې جوړیدل
د پنجشیر ولایت د عدليې ریاست اداري ناسته د ربیع الاول میاشت په ۲۳ نېټه د چهارشنبې په ورځ د دغه ولایت د عدليې رییس الحاج مولوي سیف الله منصور په مشرۍ د یاد ریاست په مقر کې جوړه شوه.
په دغې ناسته کې د عدليې رییس د الله تعالی له حکمونو او د نبوي سنتو د اطاعت په اړه خبرې وکړې او دغه راز د ځینو اړوندو مسایلو په اړه هم بحث او د نظرونو تبادله ترسره شوه.
په یاده ناسته کې، د عدليې رییس د دغه ریاست کارکوونکو ته توصیه وکړه چې د سلسله مراتبو او د اسلامي شریعت له حکمونو سره سم د خپلو امرینو له حکمونو څخه اطاعت وکړي. دغه راز د یاد ریاست امریتونو او مدیریتونو ته لارښوونه وشوه چې د خپل د کارونو راپورونه په اونیز، میاشتني، ربعوار او کلني ډول ترتیب کړي او د یاد ریاست اداري مدیریت ته یې په وخت سره واستوي چې له توحید څخه وروسته محترم مقام ته وړاندې شي.
دغه راز د عدليې رییس د یاد ریاست کارکوونکو ته توصیه وکړه چې په ټاکل شوي وخت خپلو دندو ته حاضر شي او خپل ورځنۍ حاضري له اصولو سره سم په خپل وخت مهر او لاسلیک کړي.
دغه راز په دغې ناسته کې فیصله وشوه چې وروسته له دې به په اونۍ کې یوځل د دغه ریاست اداري ناسته جوړیږي.
