د کندهار ولایت د عدليې رییس د دغه ولایت د ماشومانو له دارالتادیب څخه لیدنه وکړه
د کندهار ولایت د عدليې رییس الحاج مولوي نور اغا هاشمي او ورسره مل پلاوي د ربیع الاول میاشت په ۲۲ نېټه د سه شنبې په ورځ د دغه ولایت د ماشومانو له دارالتادیب څخه لیدنه وکړه.
په دغې لیدنه کې د عدليې له رییس سره د دارالتادیب امر، د امارت د قضایاو امر او د حقوقو مدیر ملګري ول.
د عدليې رییس او ورسره مل پلاوي په دغې لیدنه کې د یاد دارالتادیب د لیلیې له امنیتي، روغتیايي، خوراکي، او د زده کړې له برخو څخه نظارت ترسره کړ او د دغه امریت چارې یې ارزیابي کړې.
دغه راز د عدليې رییس د چارو ښه والي په منظور اړونده مسوولانو ته لازمې لارښوونې ورکړې.
