د پکتیا ولایت د عدليې رییس د وزې ځدران ولسوالۍ د حقوق له لوی مدیریت څخه لیدنه وکړه
د پکتیا ولایت د عدلیې رییس مولوي محمد رییس محمدي او ورسره مل پلاوي د صفر المظفر میاشتې په ۱۷ نېټه د سه شنبې په ورځ د ولسوالیو د حقوقو د مدیریتونو د چارو څخه د نظارت په لړ کې د وزې ځدران ولسوالۍ د حقوق لوی مدیریت څخه لیدنه وکړه.
په دغه سفر کې چې د حقوقو لوی مدیریت د چارو د ارزیابۍ او د دغه مدیریت د ستونزو د حل په موخه په لاره اچول شوې و، د عدليې له رئیس سره د امارت د قضایاو آمر، د حقوقو آمر او د قضایاو د ثبت لوی مدیر ملګري ول.
یاد هیئت، د حقوقو لوی مدیریت د کاري بهیر څخه له نږدي نظارت وکړ او د دغه مدیریت د کارکوونکو ستونزې یې واورېدې، د پکتیا عدليې رییس د وزې ځدران ولسوالۍ د حقوق لوی مدیر سره وعده وکړه چې د دغه مدیریت ستونزو ته به ژر تر ژره رسیده ګي وکړي.
په دغه سفر کې، د عدليې رییس او ورسره مل پلاوي د وزې ځدران ولسوالۍ له ولسوال قاري جمال محسن، د امر بالمعروف مسوول او ابتدایې محکمې قاضي سره ولیدل او د حقوقو لوی مدیریت مسوولیتونو او ستونزو، د امارتي او عامه ملکیتونو د غصب څخه د مخنیوي په اړه خبرې وکړې.
همدا راز په دې غونډه کې وویل شول چې د عامه او دولتي ملکیتونو د عریضو او دعواو په اړه باید مصالحه او منځګړیتوب ونشي او په همدې توګه قضیې باید په مستقیمه توګه د امارت د قضایاو آمریت ته راجع شي ترڅو له دې لارې هغو ته رسیده ګي وشي.
په پای کې د عریضې لیکونکو په اړه هم خبرې وشوې او پریکړه وشوه هرڅوک چې غواړي د عریضې لیکوونکی شي، لومړی باید له عدليې وزارت څخه د عریضې لیکنې جواز ترلاسه کړي. که چېرې څوک بې له جواز څخه په دغه کار اقدام وکړي هغه سره به قانوني چلند وشي.
