کابل ولایت کې د معاملو د لارښوونې ۳۲ دفترونه د غیرقانوي فعالیت په دلیل وتړل شول
د عدلیې وزارت د معاملو د لارښوونې او د عریضې لیکوونکو د چارو ریاست د ۱۴۰۱ کال د مرغومي میاشت په ترڅ کې د معاملو د لارښوونې له ۱۹۵ دفترونو څخه په کابل ولایت کې نظارت او بررسي ترسره کړه چې له دغې جملې څخه ۳۲ دفترونو د جواز نه درلودلو، د جواز عدم تمدید او جعلي سټو کې معامله کولو پر بنسټ، مهرلاک او تړلي دي.
دغه ریاست د معاملو د لارښوونې ۳۷ دفترونه ته د بېلابېلو علتونو له امله توصیه ورکړه او د موټر سټې ۱۰۲ ورقې، ۵۷ د کرايي ورقې او د جعلې خرڅلاو ۵ ورقي ترلاسه کړي دي.
دغه راز یاد ریاست د خرڅلاو سټو ۲۱۷ ورقې، د کرايي سټو ۳۵۰ ورقې، د ګرويي سټو ۱۶۲ ورقې او د موټر خرڅلاو سټو ۶۵ ورقې له بېلانس او د معاملو د لارښوونې له راپور سره ترلاسه او بررسي کړي دي.
د معاملو د لارښوونې او د عریضې د لیکوونکو د چارو ریاست، د مراجعینو ۴ شکایتونو ته رسیدګي کړې او د معاملو د لارښوونې د ۷ دفترونو د شرعي قبالي رفع تضمین اجرا کړي دي.
یاد ریاست ددغې میاشت په ترڅ کې د جعلي سټو د مالیاتو، د معاملو د لارښوونې د جواز د حق الامتیاز، د معاملو د ثبت کتاب د حق الامتیاز او د عریضې د لیکنې د جواز د حق الامتیاز له درکه نږدې ۲ میلیونه او ۲۲۵ زره او ۶۲ افغانۍ راټولې او د اسلامې امارت خزانې ته یې تحویلې کړي دي.
دغه راز یاد ریاست د معاملو د لارښوونې غوښتونکو له پاره ۷۸ قطعې دوراني فورمې ویشلي او ۵۹ نوي جوازونه، ۲۹ تمدیدي جوازونه او د معاملو د لارښوونې ۱ مثنی جواز صادر کړی دی.
یاد ریاست ددغې میاشت په ترڅ کې ۲۰۰ ټوکه سټې او ۱۰۵ ټوکه مهر او نښاني شوي د معاملو د لارښوونې د ثبت کتابونه ویشلي دي او ۱۳ جواز لیکوونه د جواز درلودونکو د غوښتنې پر اساس او ۱۹ نور جوازلیکوونه د میعاد پای ته رسېدلو په دلیل لغو کړي دي.
دغه راز یاد ریاست د عریضې لیکنې د جواز غوښتونکو له پاره ۲۰ قطعې دوراني فورمې ویشلي دي، د عریضې لیکنې ۱۹ نوي جواز لیکوونه او د عریضې د لیکنې ۲۲ تمدیدي جوازلیکوونه صادر کړي دي.
