په کنړ ولایت کې څه باندې د ۹ جریبه امارتي غصب شوې ځمکې تثبیت او تشخیص
د کنړ ولایت د ځمکو د غصب د مخنیوي د تخنیکي هیئت ناسته د جمادي الاول میاشتې په ۶ نېټې د دوشنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې او په دغې برخه کې لازم تصمیمونه ونیول شول.
دغه راز له تخنیکي هیئت څخه یو ټیم لچیلګلي کلي ته ولاړ او د کادستري ټوټو پر ۹.۱۵ جریبه ځمکې باندې ودان شوي کورونه او کرنیزې غصب شوې ځمکې چې د ۱۵ تنو غاصبینو له خوا ودان شوي وو له نږدې ولیدلې او بررسي کړې.
یاد هیئت د دغې ځمکې مساحت، کروکي، ډول، بیه او اربعه حدود تشخیص او تفکیک کړل او د هغې د غاصبینو شهرت یې په جدول کې درج کړ.
