په کنړ ولايت کې د موټر پلورنځيو او د معاملاتو لارښوونې د یو شمېر دفترونو بررسي او نظارت کېدل
د کنړ ولایت د عدلیې رياست او د نورو سيمه یزو ادارو ګډ نظارتي پلاوي، د جمادی الأولی د مياشتې په ۱۰ مه نېټه د سه شنبې په ورځ د ياد ولایت په مرکز اسعداباد ښار کې د موټر پلورنځيو او معاملاتو لارښوونې له یو شمېر دفترونو څخه نظارت ترسره کړ او د هغو فعالیتونه یې بررسي کړل.
د دغه نظارت او بررسۍ په ترڅ کې، د موټر پلورنځيو او معاملاتو لارښوونې د دفترونو د متصديانو شته نيمګړتياوې مشخصې شوې او د حل په برخه کې لازمې توصیې وشوې.
همدارنګه، نظارتي پلاوي د موټر پلورنځيو پر مسوؤلينو ټينګار وکړ چې، دوی باید په جعلي سټو د معاملاتو له ترسره کولو ډډه وکړي او د معاملاتو لارښوونې له متصديانو څخه یې غوښتنه وکړه چې خپل اجراآت د قانون او شرعي اصولو په رڼا کې ترسره کړي.
د کنړ ولایت عدلیې رياست په یاد ولایت کې په دوامداره توګه د معاملاتو لارښوونو او خيريه بنسټونو له دفترونو څخه نظارت ترسره کوي تر څو د غير قانوني فعالیتونو مخنيوی وشي.
