په کندز ولایت کې د ۶ جریبه امارتي ځمکې استرداد
د کندز ولایت د ځمکو د غصب د مخنیوي د تخنیکي هیئت ناسته د جمادي الاول د میاشتې په ۶ نېټې د دوشنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې.
په یاده ناسته کې، د خان آباد ولسوالۍ د قرغز ساحې د ۶ جریبه ځمکې دوسیه بحث او بررسۍ لاندې ونیول شوه او د یادې ځمکې متصرف د هغې په امارتي توب اعتراف وکړ. یاده شوې ځمکه د هغې د متصرف د لیکل شوي اقرار لیک له اخیستو وروسته استرداد شوه او د هغې له غیرشرعي ذوالید سره د یو کال مودې لپاره د اجارې ورکونې د پړاوونو تېرولو لارښوونه صادر شوه.
په دغې ناسته کې د کندز ولایت په کچه د څړځای د تعیین په اړه هم بحث وشو او د یاد ولایت د مالدارانو له استازو سره هم په دې هکله بحث او دنظرونو تبادله ترسره شوه.
یاد هیئت د کندز ولایت د ښاري ماسټر پلان د تطبیق ساحې د لومړنیو څېړنو له کاري بهیر څخه هم لیدنه وکړه او د بررسۍ پلاوي کار یې له نږدې وڅاره او د اجراآتو لاښه والي په موخه یې لازمې لارښوونې وکړې.
