په کابل ښار کې د ۱۷ دارالوکالو بررسي او څارنه
د عدلیې وزارت د مدافع وکیلانو د ریاست د څارني پلاوي د صفرالمظفر د میاشتې په ۱۹ نېټې د سه شنبې په ورځ د کابل ښار له مدافع وکیلانو او له دارالوکالو څخه بررسي او څارنه ترسره کړه.
د یادې بررسۍ په ترڅ کې د کابل ښار په دوه یمې ناحیې کې ۱۷ دارالوکالې بررسۍ او څارنې لاندې ونیول شوې او له دغې جملې څخه ۴ مدافع وکیلانو او د هغوی دارالوکالو ته د مدافع وکیلانو د انسجام د کړنلارې د غوره پلي کولو په اړه لازمې توصیې وشوې.
د څارنې په لړ کې یو شمېر مدافع وکیلانو له عدلي او قضایي بنسټونو سره خپلې ستونزې له دغه پلاوي سره شریکې کړې او د عدلیې وزارت له لوري د هغو د حل غوښتونکي شول.
د عدلیې وزارت د مدافع وکیلانو ریاست د اسلامي شریعت او حکمونو او د اسلامي امارت د نافذ شویو قوانینو په رڼا کې د مدافع وکیلانو څخه د هر اړخیز ملاتړ په لټه کې دي او دغې برخه کې له هیڅ ډول هلوځلو څخه ډډه نه کوي.
