په پروان ولایت کې د لېږدونکو وسایطو د ۱۲ پلورنځیو نظارت کېدل
د پروان ولایت د عدلیې رياست نظارتي پلاوي د محرم الحرام د مياشتې په ۲۱ مه نېټه د شنبې په ورځ، د یاد ولایت د لېږدونکو وسایطو یو شمېر پلورنځيو او د هغو حرفوي منځګړو څخه نظارت ترسره کړ.
د دغه نظارت په ترڅ کې، د لېږدونکو وسایطو ۱۲ پلورنځي نظارت او بررسي شوو او مسؤولينو ته یې د چارو د ښه والي او شته نيمګړتياوو لرې کولو په موخه لازمې توصیې وشوې.
د عدلیې وزارت په دوامداره توګه د معاملاتو لارښوونې له دفترونو، د لېږدونکو وسایطو له پلورنځيو او د هغو حرفوي منځګړو څخه نظارت او بررسي ترسره کوي تر څو د غيرقانوني فعاليتونو مخنيوی وکړي.
