په نیمروز ولایت کې ۴۲ جریبه امارتي ځمکه تثبیت شوه
د نیمروز ولایت د ځمکو د غصب د مخنیوي د تخنیکي هیئت ناسته د ۱۴۴۵ هجري قمري کال د صفرالمظفر د میاشتې په ۴ نېټه د دوشنبې په ورځ د دغه هیئت د رئیس او غړو په حضور سره جوړه شوه او په هغې کې د خوابګاه کلي د ځمکو موضوع بحث او بررسۍ لاندې ونیول شوه او پریکړه وشوه چې یو تخنیکي پلاوی د بررسۍ په منظور یادې ساحې ته واستول شي.
وروسته د یاد ولایت د تخنیکي هیئت د رئیس په مشرۍ له تخنیکي هیئت څخه یو ټیم د زرنج ښار په جنوب لویدیځ برخه کې خوابګاه کلي ته روان شو او د املاکي دفترونو او کادستري نقشو په پام کې نیولو سره یې یوه ټوټه امارتي ځمکه چې په هغې کې ۴۲ جریبه ځمکه شامله ده تثبیت او تفکیک کړه.
