په ننګرهار ولایت کې د ۶ دارالوکالو نظارت او بررسي کېدل
د ننګرهار ولایت د عدلیې رياست د مدافع وکيلانو آمريت نظارتي پلاوي د جلال آباد ښار په څلورمه ناحیه کې د ربیع الاول د مياشتې په ۸ مه نېټه د چهارشنبې په ورځ د یو شمېر مدافع وکیلانو او دارالوکالو له فعالیت څخه نظارت او بررسي ترسره کړه.
د دغې بررسي په ترڅ کې د دارالوکالو متصدیانو او مدافع وکيلانو ته، د ننګرهار ولایت د عدلیې ریاست د مدافع وکيلانو نظارتي پلاوي لهخوا د کاري چارو ښه پرمخ وړلو او د نيمګړتیاو لرې کولو په اړه لازمې سپارښتنې وشوې.
د ننګرهار ولایت د عدلیې رياست په دوامداره توګه په یاد ولایت کې له دارالوکالو څخه نظارت ترسره کوي ترڅو د غير قانوني فعالیتونو مخه ونیسي.
