په ننګرهار ولایت کې د معاملاتو لارښوونو له یو شمېر دفترونو څخه نظارت او بررسي ترسره شوه
د ننګرهار ولایت د عدلیې ریاست نظارتي پلاوي د ذوالقعدې د مياشتې په ۳ مه نېټه د یکشنبې په ورځ د یاد ولایت د مرکز په جلال اباد ښار کې د معاملاتو لارښوونو له شلو دفترونو کتنه وکړه او د هغو له فعالیت څخه یې نظارت ترسره کړ.
یاد پلاوي د بررسۍ په ترڅ کې د یادو معاملاتو لارښوونو د دفترونو جوازلیکونه، سټې او د ثبت کتابونه بررسي کړل او په پایله کې یې د معاملاتو لارښوونو یو دفتر د غیر قانوني فعالیت له امله وتړل شو.
یاد هیئت دپاتې نورو معاملاتو لارښوونو دفترونو متصدیانو ته د هغو په کارونو کې د ځینو نیمګړتیاو په دلیل توصیې او لازمې لارښوونې وکړې.
