په غور ولایت کې د څه باندې ۶ زره جریبه ځمکې بررسي کېدل
د غور ولایت د ځمکو له غصب څخه د مخنیوي تخنیکي هیئت ناسته د روژې د مياشتې په ۱۲ مه نېټه د چهارشنبې په ورځ د یاد هیئت د رئیس او غړو په ګډون جوړه شوه.
د تخنیکي هیئت په دې ناسته کې د غور ولایت د مرکز ولسوالۍ اړوند په لقک سفیدک کلي کې د پنځه زره پنځه سوه (۵۵۰۰) جریبه ځمکې او د فیروز کوه ختيځ لوري کې د درې سوه یو څلوېښت (۳۴۱) جریبه ځمکې او په دولتیار ولسوالۍ کې د یو سل اته اویا (۱۷۸) جریبه ځمکو دوسیې تر بحث او بررسي لاندې ونيول شوې.
هيئت پرېکړه وکړه چې د یادو دوسیو په اړه دې املاکي څېړنې ترسره او پایلې دې راتلونکې غونډه کې وړاندې شي.
