په سمنګان ولايت کې د معاملاتو لارښوونې د درېیو دفترونو تړل کېدل
د سمنګان ولایت د عدلیې ریاست نظارتي پلاوي د صفرالمظفر د مياشتې په ۱۰ مه نېټه د دوشنبې په ورځ، په دغه ولایت کې د ۴۰ عريضه ليکونکو او د معاملاتو لارښوونې له ۳۱ دفترونو څخه نظارت ترسره کړ او د هغو فعاليتونه یې بررسی کړل.
د دغه نظارت په ترڅ کې د یادو دفترونو او عریضه ليکونکو د فعاليت جوازونه، د ثبت کتابونه، رسمې سیټې او یو شمېر نور اړين اسناد بررسي شول چې په ترڅ کې یې د معاملاتو لارښوونې ۳ دفترونه د غير قانوني فعاليت له امله وتړل شول.
همداراز، عریضه ليکونکو او د معاملاتو لارښوونو د نورو دفترونو متصدیانو ته د شته نيمګړتياو د اصلاح او د کاري چارو ښه پرمخ وړلو په موخه لازمې توصیې وشوې.
د عدلیې وزارت په مرکز او د عدلیې ریاستونه په ولایتونو کې، په دوامداره توګه له اړوندو برخو څخه نظارت او بررسي ترسره کوي تر څو د غير قانوني فعاليتونو مخه ونيول شي.
