په سرپل ولایت کې څه دپاسه د ۱۸ جریبه امارتي ځمکې تثبیت او تشخیص
د سرپل ولایت د ځمکو د غصب د مخنیوي د تخنیکي هیئت ناسته د جمادي الثاني د میاشتې په ۵ نېټې د سه شنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې او په دغې برخه کې لازم تصمیمونه ونیول شول.
د سرپل ولایت د تخنیکي هیئت رئیس او غړو، د چهارشنبې په ورځ د غصب شویو ساحو د بررسۍ او تثبیت په موخه د یاد ولایت، سید آباد ولسوالۍ چشمه شیرین او خمرآباد کلیو ته هم سفر وکړ.
یاد هیئت د دغې ولسوالۍ په خمرآباد کلي کې کابو ۱۸ جریبه ۱۲ بسوې او ۱۰ بسواسې کرنیزه اوبه لرونکې غصب شوې امارتي ځمکه بررسي کړه او یاده شوې ساحه یې تثبیت، کروکي او سکیچ کړه او د هغې له متصرفینو څخه یې شرعی سندونه وغوښتل.
دغه هیئت د یادې ولسوالۍ په چشمه شیرین کلي کې هم د عامه څړځای پراخې ځمکې چې د یو شمېر کسانو لهخوا غصب شوې وې، بررسي کړې او د کروکي له اخیستلو څخه یې وروسته، یاده شوې ساحه سکیچ او تثبیت کړه او د یادې ولسوالۍ ولسوال او امنیه قوماندان ته لارښوونه وکړه ترڅو د یادې ساحې متصرفین جلب کړي او دغه هیئت ته یې وروپېژني.
