په سرپل ولایت کې څه باندې ۱۳۰۰ جریبه ځمکه امارتي تثبیت شوه
د سرپل ولایت د ځمکو د غصب د مخنیوي د تخنیکي هیئت غړو د ۱۴۴۵ هجري قمري کال د صفرالمظفر د میاشتې په ۶ نېټه د چهارشنبې په ورځ د امارتي غصب شویو ځمکو او د آدرینګ او بلغلي کلیو د اوسیدونکو دوسیو ته د رسیده ګې په منظور مدعا بها ساحو ته ولاړ او یادې شوې ساحې یې د دعوا د دواړو لورو په حضور سره له نږدې ولیدلې او بررسي کړې.
یاد شوي هیئت د آدرینګ او بلغلي کلیو په مدعی بها ساحو کې د عامه څړځای ۱۳۱۶ جریبه او ۱۵ بسوې ځمکه بررسي او امارتي تثبیت کړه چې له دغې جملې څخه د هغې ۳۵ جریبه او ۱۸ بسوې د یادې دوسیې د مدعیانو له خوا او ۳۱۲ جریبه او ۱۷ بسوې نوره د مدعی علیه له لوري په کرنیزې ځمکه تبدیله شوې ده.
