په جوزجان ولایت کې ۵ تنو غوښتونکو ته د معاملاتو لارښوونې د فعالیت جواز وویشل شو
د جوزجان ولایت، عدلیې ریاست د ربیع الاول د میاشتې په ۱۲ نېټه د یکشنبې په ورځ پنځو تنو غوښتونکو ته، د معاملاتو لارښوونې د فعالیت جوازلیکونه وویشل.
په هغو مراسموکې چې په همدې مناسبت د جوزجان، عدلیې ریاست په مقر کې جوړ شول د یاد ولایت د عدلیې رئیس مولوي امرالله مصلح او نورو مسؤولینو ګډون درلود.
په دغو مراسمو کې، عدلیې رئیس د موضوع په تړاو خبرې وکړې او د معاملاتو لارښوونې د فعالیت له جواز غوښتونکو سره یې لازم معلومات شریک کړل. دغه راز نوموړي له یادو غوښتونکو څخه وغوښتل چې په معاملاتو کې له شرعي حکمونو سره سم منځګړیتوب وکړي.
