په بلخ ولایت کې د څه باندې ۱۲ جریبه امارتي ځمکې تشخيص
د بلخ ولایت د ځمکو له غصب څخه د مخنیوي تخنیکي هیئت ناسته د شوال د مياشتې په ۲۲ مه نېټه د یکشنبې په ورځ، د یاد هیئت د رئیس او غړو په ګډون جوړه شوه.
په دې ناسته کې د شولګرې ولسوالۍ اړوند په خواجه سکندر او زره ونه غورچي کلیو کې د دولس اعشاریه نهه (۱۲.۹) جریبه ځمکو موضوعاتو په بحث او خبرې وشوې او په ترڅ کې یې ځمکې امارتي تشخيص شوې.
هيئت پرېکړه وکړه چې د یادو ځمکو دوسیې دې د وروستۍ پرېکړې په موخه مرکزي کمېسيون ته واستول شي.
همدارنګه، په دې ناسته کې د بلخ ولایت په بېلابېلو ساحو کې د څه باندې یو زرو څلور سوه پنځه اویا (۱۴۷۵) جریبه ځمکو دوسیې بررسي شوې او په اړه يې لازم تصامیم ونیول شول.
