په بدخشان ولایت کې څه باندې د ۱۴۰۰ جریبه امارتي ځمکې استرداد
د بدخشان ولایت د ځمکو د غصب د مخنیوي د تخنیکي هیئت ناسته د جمادي الاول د میاشتې په ۱۲ نېټې د یکشنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې او په دغې برخه کې لازم تصمیمونه ونیول شول.
دغه راز یاد هیئت د دغه ولایت جرم ولسوالۍ ته سفر وکړ او کابو ۱۴۶۴ جریبه امارتي ځمکه استرداد کړه او هغه یې د یادې ولسوالۍ د اراضۍ مدیریت ته تسلیم کړه. یاد شوي هیئت پریکړه وکړه چې د دغې موضوع سوابق د ثبت په موخه د ځمکو بانک ته واستول شي.
