په بادغیس ولایت کې له يو شمېر عريضه ليکونکو څخه نظارت ترسره شو
د بادغيس ولایت د عدلیې رياست نظارتي پلاوي، د صفرالمظفر د میاشتې په ۹ مه نېټه د یکشنبې په ورځ په قلعه نو ښار کې له یو شمېر عریضه ليکونکو څخه نظارت ترسره کړ.
نظارتي پلاوي چې په مشري یې د عدليې رئيس، مولوي عبدالرازق مرزوقي کوله د دغه نظارت په ترڅ کې د یادو عریضه ليکونکو د فعاليت جوازونه او یو شمېر نور اسناد بررسي کړل.
پلاوي هغو عریضه ليکونکو ته چې په چارو کې یې ستونزې او نيمګړتياوې مشخصې شوې د هغو د لرې کولو او کاري چارو ښه پر مخ وړلو په موخه لازمې توصیې وکړې.
همدارنګه، په دې نظارت کې عریضه ليکونکو هم خپلې شته ستونزې شريکې کړې چې د حل په برخه کې د مسؤولينو له لورې د حل ډاډ ورکړل شو.
