پنجشیر ولایت کې څه دپاسه ۴۶ جریبه ځمکه غصبي تثبیت شوه
د پنجشیر ولایت د تخنیکي هیئت رئیس او غړو د ربیع الثاني د میاشتې په ۷ نېټې د یکشنبې په ورځ د غصب شویو ساحو د تثبیت او تشخیص په موخه د یاد ولایت عنابې ولسوالې ته سفر وکړ.
دغه هیئت د یادې ولسوالۍ له ولسوال او له نورو سیمه ییزو مسؤلینو سره وکتل او په دغه ولایت کې د ځمکو د غصب د مخنیوي د تخنیکي هیئت د جوړیدلو په اړه معلومات ورکړل او د یادې ولسوالۍ له سیمه ییزو مسؤلینو څخه یې وغوښتل چې له دغه هیئت سره همکاري وکړي.
وروسته یاد هیئت د عنابې ولسوالۍ دشتک ساحې ته ولاړ او له ساحې څخه یې په لیدنې سره ۴۶.۵۴ جریبه ځمکه په یادې شوې ساحې کې غصبي تثبیت کړه او هغه یې سکیچ کړه.
