له ۲۲ زره او ۴۰۰ جریبو څخه زیاته ځمکه په ۴ ولایتونو کې امارتي تثبیت شوه
د غصب د مخنیوي کمېسیون تخنیکي هيئتونو په لوګر، سمنګان، پروان او غور ولایتونو کې د یاد شوو ولایتونو د غصب شوو سیمو په بررسۍ سره کابو ۲۲ زره او ۴۱۲ جریبه ځمکه امارتي تثبیت کړه.
لوګر ولایت کې، د ځمکې د غصب د مخنیوي تخنیکي هیئت ددغه ولایت د برکي برک ولسوالۍ د خاکي دښتو او چهل تن دښتې څخه لیدنه وکړه او ۳ قطعې ځمکه په دغو سیمو کې چې په ټوله کې مساحت یې ۱۹۰۰۴ جریبه کېږي، امارتي تثبیت کړه.
په همدې حال کې، د سمنګان ولایت تخنیکي هیئت هم ددغه ولایت د حضرت سلطان ولسوالۍ له قرن درې او کلچه قزاغلي د کیلیو له سیمو څخه لیدنه وکړه او نږدې ۴۰ قطعې ځمکه یې بررسي کړې. ددغې بررسۍ په پایله کې ۱۰۰۰ جریبه ځمکه په یادو سیمو کې امارتي تثبیت شوه.
پر دې سربېره د پروان ولایت د تخنیکي هیئت کار د بګرام ولسوالۍ د خم کلان له سیمې څخه په بریالیتوب سره پای ته ورسید او په وروستنۍ بررسۍ کې تخنیکي هيئت ۴۵۹.۰۲ جریبه نوره ځمکه د بګرام ولسوالۍ د خم کلان د څینزیو او میاخیلو په کيلیو کې، امارتي تثبیت کړه او ددغو سیمو د غاصبینو لست يې د خلکو په همکارۍ جوړ کړ.
د غور ولایت د کرنې رییس (د تخنیکي هیئت رییس) هم د تېرو څو ورځو په ترڅ کې د یو هیئت په مشرۍ ددغه ولایت د تیوره ولسوالۍ او پسابند ولسوالۍ څخه لیدنه وکړه او ځیني غصب شوې برخې یې مشخصې کړې.
دغه هیئت، د تیوره د مخابراتو کوټې کې شاوخوا ۲ جریبه امارتي ځمکه او د تیوره زوړ برج لاندې شاوخوا ۳ جریبه ځمکه امارتي تثبیت کړه.
دو قطعې نورې امارتي ځمې هم په تیوره ولسوالۍ کې چې یوه يې د بلند آبه مسګرا کې او دوه یمه قطعه ځمکه د سړک شاته ده ، چې له بررسۍ څخه وروسته امارتي تثبیت شوه او د امارتي ځمکو بانک کې زیاته شوه.
د پسابند ولسوالۍ د قهر جنګل په سیمه کې هم ۱۹۴۵ جریبه ځمکه امارتي تثبیت شوه او دغه راز د هغې د اجارې ورکولو بهیر هم پيل شوی.
