د کنړ ولایت له والي سره د یاد ولایت د ځمکو د غصب د مخنیوي د تخنیکي هیئت د همغږۍ ناستې جوړیدل
د کنړ ولایت د ځمکو د غصب د مخنیوي تخنیکي هیئت د ذوالحجې د میاشتې په ۳ نېټه د چهارشنبې په ورځ د یاد ولایت له والي سره د همغږۍ ناسته جوړه کړه.
په دغې ناسته کې، تخنیکي هیئت، د کنړ له والي سره د خپلو اصول او مقررات او فعالیتونو راپور شریک کړل، زیاته یې کړه چې دغه هیئت له رامنځته کیدلو څخه تر دې دمه پر ۱۳ کادستري ټوټو کار کړی او د ۲۱۳ غاصبینو د شهرت جدول ترتیب کړی دی.
یاد هیئت د دغه ولایت والي ته وویل، کله چې دغه هیئت له اشخاصو څخه امارتي ځمکې استرداد کوي، هغوی د یاد ولایت مقام ته عارض کيږي. تخنیکي هیئت په دغې برخه کې د یاد ولایت له والي څخه د همکارۍ غوښتونکی شو.
د یاد ولایت والي تخنیکي هیئت ته د کارونو په برخه کې د بشپړ احتیاط او له اصولو او قوانینو سره د کارونو د ترسره کولو توصیه وکړه او زیاته یې کړه چې نوموړي له هغوی سره هر ډول همکارۍ ته چمتو دی.
