د کنړ ولایت عدلیې ریاست ددغه ولایت د علماو له شورا سره د پېژندګلوۍ ناسته جوړه کړه
د کنړ ولایت عدلیې ریاست د پېژندګلوۍ ناسته ددغه ولایت د علماو له شورا سره د شعبان میاشت په ۲۵ نېټه د شنبې په ورځ د عدليې ریاست په مقر کې جوړه شوه.
په د غې ناسته کې د کنړ د عدليې رئیس مفتي عبدالستار حماس، ددغه ولایت د علماو د شورا رئیس شیخ الحدیث عبدالقهار صدیقي، د عدليې ریاست کارکوونکو او د کنړ د علماو د شورا غړو حضور درلود د پېژندګلوۍ ترڅنګ د ادارو ترمنځ د همغږۍ په اړه مفصل بحث وشو.
په یاده ناسته کې په دې اړه چې د علماو شورا د اعتبار وړ یو مرجع ده چې د هیواد په مهمو چارو کې ونډه لري او د ادارو ترمنځ د همغږۍ له پاره هڅه کوي هم بحث وشو.
د کنړ ولایت د عدليې رئیس د علماو د شورا جوړیدل نیک اقدام وباله او ددغې شورا له هڅو یې قدرداني وکړه او هم د شورا د سالمو مشورو غوښتونکی شو.
