د کندهار ولایت له دارالتأدیب څخه د عدلیې وزارت د نظارتي هیئت لیدنه او بررسي
د عدلیې وزارت نظارتي هیئت د یاد وزارت د مدافع وکیلانو د رئیس مولوي سیدحبیب الحبیب په مشرۍ او د حقوقي مساعدتونو رئیس مولوي رحمت الله حقاني، د ټولنو او ټولنیزو بنسټونو د چارو رئیس مولوي محمد یاسین حقاني او د عدلیې وزارت د نورو مسلکي غړو په غړیتوب، د ربیع الاول د میاشتې په ۳۰ نېټې د یکشنبې په ورځ د کندهار ولایت له دارالتأدیب څخه لیدنه وکړه.
یاد هیئت د کندهار ولایت د دارالتأدیب له آمر او له محجوزو ماشومانو سره وکتل او د یاد دارالتأدیب له بېلابېلو برخو څخه یې لیدنه وکړه. یاد شوي هیئت د دغه آمریت او د یادو ماشومانو ستونزې او غوښتنې واوریدې او د هغو د حل په برخه کې لازمې لارښوونې وکړې.
یاد شوي هیئت د دارالتأدیب له مسؤلینو او محجوزینو سره ژمنه وکړه چې د هغوی ستونزو ته به رسیدګي وشي.
