د کابل ښار په پنځمه ناحیه کې د غيرقانوني فعاليت له امله د ۱۱ موټر پلورنځيو تړل کېدل
د عدلیې وزارت د انسجام عمومي رياست نظارتي پلاوي، د کابل ښار د پنځمې ناحیې اړوند د کمپنۍ په ساحه کې له یو شمېر موټر پلورنځيو څخه نظارت ترسره کړ.
یاد پلاوي له ټولټال ۷۳ موټر پلورنځيو څخه نظارت ترسره کړ چې له دې جملې څخه ۱۱ موټرپلورنځي د غیرقانوني فعاليت له امله د هیئت لخوا وتړل شول. دغه راز نظارتي پلاوي د نورو موټر پلورنځيو مسؤولينو ته توصیه وکړه چې خپلې شته ستونزې لرې کړي.
د عدلیې وزارت په مرکز او د عدلیې ریاستونه په ولایتونو کې، په دوامداره توګه له اړوندو برخو څخه نظارت او بررسي ترسره کوي تر څو د غير قانوني فعاليتونو مخه ونيول شي.
