د ځمکو د غصب د مخنیوي کمېسیون له رئیس سره د کابل ولایت د تخنیکي هیئت کتنه
د کابل ولایت د ځمکو د غصب د مخنیوي د تخنیکي هیئت رئیس او غړو د ۱۴۴۴ هجري قمري کال د روژې میاشت په ۵ نېټه د دوشنبې په ورځ د عدليې وزارت له سرپرست او د ځمکو د غصب د مخنیوي او د غصب شویو ځمکو د استرداد کمېسیون رئیس شیخ الحدیث مولوي عبدالحکیم شرعي سره ددغه وزارت په مقر کې وکتل او خبرې ورسره وکړې.
په دغې ناسته کې، د ځمکو د غصب د مخنیوي کمېسیون رئیس، د کابل ولایت د تخنیکي هیئت د فعالیتونو او لاسته راوړنو راپور واورید او ددغه هیئت کارونو ته د چټکتیا د ورکولو د څرنګوالي په اړه له هغوی سره خبرې وکړې.
دغه راز په یاده ناسته کې د ځمکو د غصب د مخنیوي کمېسیون رئیس، ننګرهار ولایت ته د ځمکو د غصب د مخنیوي کمېسیون د سفر په ترڅ کې ددغه کمېسیون د فعالیتونو په اړه او ددغه ولایت د تخنیکي هیئت د فعالیتونو په اړه د کابل ولایت تخنیکي هیئت ته معلومات ورکړل.
د ځمکو د غصب د مخنیوي کمېسیون رئیس، کابل ولایت کې د غصب شویو ځمکو د استرداد چارو د چټکتیا په منظور د کمېسیون او ددغه ولایت د تخنیکي هیئت د ګډ کار په منظور، د تخنیکي هیئت، د ولایت د مقام، د علماو د شورا او اړوندو ارګانونو ترمنځ د ناستې په جوړولو لارښوونه وکړه.
نوموړي د کابل ولایت د تخنیکي هیئت رئيس، د امارت د قضایاو لوی رئیس او د کابل ولایت د مقام استازي ته دنده وسپارله چې د کمېسیون او د کابل ولایت د تخنیکي هیئت د کار د پیل په اړه ددغه ولایت له والي، د علماو د شورا او اړوندو ارګانونو سره غونډه جوړه کړي.
