د ځمکو د غصب د مخنیوي او د غصب شویو ځمکو د استرداد کمېسیون د ناستې جوړیدل
د ځمکو د غصب د مخنیوي او د غصب شویو ځمکو د استرداد کمېسیون ناسته د ۱۴۴۴ هجري قمري کال د ذوالقعدې د میاشتې په ۱۵ نېټه د یکشنبې په ورځ د عدليې وزارت سرپرست او د دغه کمېسیون رئیس شیخ الحديث مولوي عبدالحکیم شرعي په مشرۍ د عدليې وزارت په مقر کې جوړه شوه.
په یادې ناسته کې د کرنې، اوبولګولو او مالدارۍ وزارت سرپرست مولوي عطاء الله عمري، د کور او ښار جوړولو وزارت سرپرست مولوي حمد الله نعماني، د کار او ټولنیزو چارو وزارت سرپرست مولوي عبدالمنان عمري، د فرمانونو او حکمونو د تعقیب او نظارت لوی رئیس مولوي شمس الدین شریعتي، د چارو د ادارې لوی رئیس شیخ الحدیث مولوي نورالحق انور، د ځانګړې محکمې رئیس، شیخ محمد انور مدثر، د سترې محکمې د عامه امنیت د دیوان مفتي او د تمیز مستشار، شیخ عبدالصمد، د کابل ولایت د تخنیکي هیئت غړو، د کابل ښاروالۍ استازي، د امارت د قضایاو لوی رئیس او د یاد کمېسیون سکرتر او نورو مسؤلینو ګډون کړی وو.
په دغې ناسته کې، د کمېسیون او د ننګرهار ولایت د تخنیکي هیئت په واسطه د ۹ بررسي شویو دوسیو او د کمېسیون او د کابل ولایت د تخنیکي هیئت په واسطه ۷ بررسي شوې دوسیو، په اړه بحث او د نظرونو تبادله ترسره شوه او دغو برخو کې لازم تصمیمونه ونیول شول.
دغه راز په یاده ناسته کې، د کندهار ولایت په ځینو موضوعاتو، د دغه کمېسیون د سکرتریت او د ولایتونو د تخنیکي هیئتونو د کړنلارې، لوګر ولایت کې د لرګیو پلورولو ساحه کې د ۳۷ نمرو ویشلو، د ننګرهار ولایت په شهر کهنه کې د ۴.۵ جریبه ځمکې او جوزجان ولایت کې د ۱۵۵ جریبه ځمکې په اړه بحث او خبرې وشوې او دغو برخو کې لازم تصمیمونه ونیول شول.
