د پکتیکا ولایت د عدلیې ریاست او مستوفیت ترمنځ د همغږۍ ناسته جوړیدل
د پکتیکا ولایت د عدلیې ریاست د فعالیتونو د همغږۍ او عوایدو راټولولو په موخه د یاد ولایت له مستوفیت سره ناسته جوړه کړه.
په یاده ناسته کې چې د شعبان د میاشتې په ۱ نېټه د دوشنبې په ورځ د عدلیې ریاست په مقر کې جوړه شوه د یاد ولایت د ارګون، زرغون ښار او شرنې ولسوالیو د موټرپلورنځیو یو شمېر مسؤولینو هم حضور درلود.
په یاده ناسته کې د عدلیې رئیس مولوي حیات الله امین په یاد ولایت کې د معاملاتو لارښوونو او موټرپلورنځیو د دفترونو مالیاتي حسابونو پر تصفيې او د یادو دفترونو د ناقانونه فعالیتونو پر مخنیوي باندې ټینګار وکړ.
په دې ناسته کې د مالیاتو پر راټولولو باندې د حاکمو اصولو په پلي کیدو هم ټینګار وشو او د موټرپلورنځیو مسؤولینو ته توصیه وشوه چې په معاملاتو کې د هر ډول فریبکارۍ او له هغو فعالیتونو چې د ربا اټکل په کې دی، ډډه وکړي.
د موټرپلورنځیو مسؤولینو هم خپلې ستونزې مطرح کړې او د ناستې ګډونوالو له خوا د هغو لپاره، حل لارې وړاندې شوې.
