د پکتیکا ولایت تخنیکي هیئت د یاد ولایت په مرکز کې له ځینو ساحو څخه لیدنه وکړه
د پکتیکا ولایت د ځمکو د غصب د مخنیوي تخنیکي هیئت د ذوالقعدې میاشت په ۲ نېټه د دوشنبې په ورځ د دغه ولایت د مرکز اړوند تاروخیل او ډب ساحې ته ولاړ او د دغو ساحو د متصرفینو د تشخیص په برخه کې لازم اقدامات ترسره کړل.
یاد شوي هیئت مشخصه کړه، چې د متصرفینو لخوا په تاروخیلو ساحه کې څه دپاسه ۵۰۰۰ کورونه جوړ شوي او پر دې سر بېره، لسمه برخه یې د متصرفینو کرکیلې لاندې نیول شوې او پاتې ځمکه يې شاړه ده.
دغه راز یاد شوي هیئت ډب ساحې ته ولاړ او د هغې کروکي، سکیچ او پولې مشخصې کړې او سندونه يې پرې تطبیق کړل.
