د پکتیا ولایت د عدليې ریاست د اصلاحي ناستې جوړیدل
د پکتیا ولایت د امر بالمعروف او نهي عن المنکر او د شکایاتو اوریدلو کمېسیون د پنځه کسیز هیئت اصلاحي ناسته د ربیع الاول میاشت په ۲۷ نېټه د یکشنبې ورځ د دغه ولایت په عدليې ریاست کې جوړه شوه.
په یاده ناسته کې چې د کلام الله مجید د څو ایاتونو په تلاوت سره پېل شوه، د پکتیا ولایت د عدليې رییس مولوي محمد رییس محمدي یاد هیئت ته ښه راغلاست وویل او هغوی یې د دغه ریاست کارکوونکو ته معرفي کړل.
دغې ناسته کې یاد هیئت ګډونوالو ته د اسلام سپېڅلي دین حکمونه او اصول بیان کړل او د دغه ریاست کارکوونکو ته يې توصیه وکړه چې خپلې ورځنۍ چارې د اسلام سپېڅلي دین له حکمونو او اصولو سره سم اجرا کړي.
دغه راز هغوی د دغه ریاست کارکوونکو ته توصیه وکړه چې خپل صورت او سیرت د اسلام شریعت له اصولو سره سم عیار کړي او له نواهۍ او منکراتو څخه ځان وساتي.
