د پنجشیر ولایت د ځمکو د غصب د مخنیوي د تخنیکي هیئت د ناستې جوړیدل
د پنجشیر ولایت د ځمکو د غصب د مخنیوي د تخنیکي هیئت ناسته د ذوالقعدې د میاشتې په ۲۵ نېته د چهارشنبې په ورځ د هیئت د رئیس او غړو په حضور سره جوړه شوه او هیئت په کې د ملکان کلي له اوسیدونکو سره وکتل او د هغوی ستونزې واوریدلې او دغې برخه کې لازمې لارښوونې وکړې.
په دغې ناسته کې، پریکړه وشوه چې یو شمېر عارضینو او ادارو ته استعلام ورکړل شي او هم ځینې ساحې له نږدې ولیدل او بررسی شي.
د حج او اوقافو او د پاراخ د اوسیدونکو دوسیې په اړه پریکړه وشوه چې د حج او اوقافو ملکیت یادو اوسیدونکو ته په کرایه ورکړل شي؛ ځکه چې یاد اوسیدونکي کرایې ورکولو له پاره چمتو دي. د حج او اوقاف ریاست هم موظف کړل شو چې دغې برخه کې جامع قرارداد تیار کړي.
په دغې ناسته کې، د ځمکو د غصب د مخنیوي مقررې د څو مادو په اړه بحث وشو او د امیرالمؤمنین حفظه الله ۶۳۴ حکم هم د دغه هیئت غړو ته توزیع شو. یو شمېر اداري موضوعات هم بحث لاندې ونیول شول او دغې برخه کې لازم تصمیمونه ونیول شول.
