د پنجشیر ولایت د عدلیې ریاست اداري ناسته جوړیدل
د پنجشیر ولایت د عدلیې ریاست اداري ناسته، د ذیالحجې د میاشتې په ۲۵مه نېټه د یکشنبې په ورځ د پنجشیر ولایت د عدلیې رئیس قاري شکرالله احمد په مشرۍ او د یاد ریاست د آمرینو او کارکوونکو په ګډون جوړه شوه.
په دې ناسته کې، د پنجشیر ولایت د عدلیې رئیس د یاد ریاست کارکوونکو ته د خپلو مسؤولیتونو د ترسره کولو، په نبوي سنتو خپل صورت او سیرت برابرولو، د اخلاص درلودلو، د کارکوونکو ترمنځ د متقابل احترام، له مراجعینو سره د ښه چلند او نورو مواردو په اړه لازمې توصیې وکړې.
په دې ناسته کې له اوامرو څخه د اطاعت، د کارکوونکو د اجراآتو د ارزونې، وخت او حاضرۍ ته د پابندي کولو او نورو مواردو په اړه هم خبرې وشوې او په هکله یې لازم تصامیم ونیول شول.
په دې ناسته کې د یاد ریاست آمرینو او کارکوونکو هم خپلې ستونزې او د کاري چارو ښه والي په منظور وړاندیزونه مطرح کړل
