د هلمند ولایت د عدليې ریاست اداري ناسته جوړه شوه
د هلمند ولایت د عدليې ریاست اداري ناسته د شوال میاشت په ۲۱ نېټه د پنجشنبې په ورځ د عدلیې رئیس الحاج مولوي محمد محمدي په مشرۍ او د دغه ریاست د آمرینو او کارکوونکو په ګډون جوړه شوه.
په دغې ناسته کې، د عدليې رئیس د موضوع په اړه خبرې وکړې او د یاد ریاست کارکوونکو ته يې توصیه وکړه چې د خپلو دندو ترسره کولو کې له صداقت او اخلاص څخه کار واخلئ ترڅو د قیامت په ورځ له عذاب څخه په امان کې و اوسي. دغه راز نوموړي هغوی ته لارښوونه وکړه چې په تعیین شوي وخت خپلو دندو ته حاضر اوسئ او خپلو زورېدلو خلکو ته خدمت وکړئ.
د عدليې رئیس د دوسیو د بررسۍ په برخه کې اړوندو مسوولینو ته لارښوونه وکړه چې موضوعات په اصولي ډول بررسي کړي او راتلونکو اجراآتو له پاره یې اړوندو محکمو ته راجع کړي. دغه راز نوموړي د چارو د ښه والي او پرمختګ په منظور د یاد ریاست کارکوونکو ته لازمې لارښوونې وکړې.
