د نورستان ولایت له عدلیې ریاست څخه د عدلیې وزارت د نظارتي هیئت لیدنه او بررسي
د عدلیې وزارت نظارتي هیئت د یاد وزارت د مدافع وکیلانو د رئیس مولوي سیدحبیب الحبیب په مشرۍ او د حقوقي مساعدتونو رئیس مولوي رحمت الله حقاني، د جمعیتونو او ټولنیزو بنسټونو د چارو رئیس مولوي محمد یاسین حقاني او د عدلیې وزارت د نورو مسلکي غړو په غړیتوب، د ربیع الثاني د میاشتې په ۱۶ نېټې د سه شنبې په ورځ د نورستان ولایت له عدلیې ریاست څخه لیدنه وکړه.
یاد هیئت د نورستان ولایت د عدلیې له رئیس او د دغه ریاست له کارمندانو سره وکتل او دغه ولایت ته یې د خپل د سفر موخه بیان کړه. یاد شوي هیئت د عدلیې ریاست له بېلابېلو برخو څخه لیدنه او بررسي ترسره کړه او د دغه ریاست د کارمندانو ستونزې او غوښتنې واوریدې او د هغو د حل په برخه کې لازمې لارښوونې وکړې.
یاد هیئت د دغه ریاست له مسؤلینو سره ژمنه وکړه چې د هغوی ستونزې به د نورستان ولایت او د عدليې وزارت له مقاماتو سره شریکې کړي.
وروسته یاد هیئت د نورستان ولایت له والي شیخ شیر احمد سره وکتل او په بېلابېلو برخو کې د عدلیې ریاست ستونزې له نوموړي سره شریکې کړې او د یادو ستونزو د حل غوښتنه یې وکړه.
د نورستان ولایت والي د یاد ولایت د عدلیې ریاست سره د دغه ولایت د مقام د همکارۍ ډاډ ورکړ او ژمنه یې وکړه چې د عدلیې ریاست د ستونزو د حل په برخه کې به همکاري وکړي.
