د نورستان ولایت د تخنیکي هیئت ناسته جوړه شوه
د نورستان ولایت د ځمکې د غصب د مخنیوي د تخنیکي هیئت ناسته د ۱۴۴۴ هجري قمري کال د رجب المرجب میاشت په ۱۷ نېټه د چهارشنبې په ورځ ددغه هیئت د رییس او غړو په حضور سره جوړه شوه.
دغې ناسته کې د نورستان ولایت د تخنیکي هیئت رییس د موضوعاتو په اړه خبرې وکړې او د غصب شوو ځمکو د تشخیص، تثبیت او استرداد برخه کې د مهمو ګامونو په پورته کولو ټینګار وکړ. دغه راز نوموړي وویل چې ددغه هیئت ستونزې باید له مرکزي کمېسیون سره شریکې شي ترڅو دغو ستونزو ته رسیدګي وشي.
یاده ناسته کې یو پنځه کسیز هیئت کابل ته د سفر او د ځمکې د غصب د مخنیوي او د غصب شوو ځمکو د استرداد کمېسیون له مشرتابه سره ددغه هیئت د ستونزو شریکولو په منظور ، تعیین شو.
