د نورستان او پکتیا ولایتونو د تخنیکي هیئتونو ناستې جوړې شوې
د نورستان او پکتیا ولایتونو د تخنیکي هیئتونو ناستې ددغو هیئتونو د رئیسانو او غړو په حضور سره جوړې شوې او د ځمکې د غصب د مخنیوي په اړه پکې بحث وشو او دغې برخه کې لازم تصمیمونه ونیول شوو.
د نورستان ولایت د تخنیکي هیئت په ناسته کې، د استیناف څارنوالۍ رئیس کابل ته د خپل سفر او د کمېسیون له رئیس سره د کتنې په اړه معلومات ورکړل او ویې ویل چې ددغه کمېسیون رئیس د نورستان ولایت د تخنیکي هیئت فعالیتونه ستایلي دي او ویې ویل چې د نورستان تخنیکي هیئت باید لازیاتې هڅې او فعالیتونه وکړي.
د نورستان ولایت د تخنیکي هیئت رئیس په دغې ناسته کې ټینګار وکړ چې هیئت باید جوړه شوې مقرره خلکو ته په بشپړ ډول تشریح کړي.
په همدې حال کې د پکتیا ولایت د تخنیکي هیئت په ناسته کې، ددغه هیئت غړو د تېرې اوونۍ د فعالیتونو راپور وړاندې کړ او راتلونکې له پاره کاري پلان پکې جوړ شو.
په دغې ناسته کې، پریکړه وشوه چې هرې ولسوالۍ کې یو پنځه کسیز ټیم جوړ شي ترڅو خلکو ته اجازه ورنه کړي چې په امارتي ځمکې کښت او یا تاسیسات جوړ کړي.
تخنیکي هیئت په څلورو کاري ګروپونو وویشل شوو ترڅو ددغه ولایت ټولو ولسوالیو ته سفر او یادو شویو ولسوالیو کې پنځه کسیز ټیمونه جوړ کړي.
