د ننګرهار ولایت د استیناف محکمې او د ځمکو له غصب څخه د مخنیوي تخنیکي هیئت ترمنځ د همغږۍ ناسته جوړېدل
د ننګرهار ولایت د ځمکو له غصب څخه د مخنیوي تخنیکي هیئت د رجب المرجب د میاشتې په ۴مه نېټه، د یکشنبې په ورځ، د یاد ولایت د استیناف محکمې رئیس مولوي عبدالشکور رشاد اخندزاده سره وکتل.
په دې کتنه کې د ننګرهار ولایت د تخنیکي هیئت رئیس مولوي محمد ولي محسن د ځمکو له غصب څخه د مخنیوي تخنیکي هیئت په اړه معلومات وړاندې کړل او د دغه هیئت فعالیتونه او لاسته راوړنې یې د استیناف محکمې له ریاست سره شریکې کړې.
په ورته مهال، د استیناف محکمې رئیس د همغږۍ د پیاوړتیا په موخه د ورته ناستو په جوړویدو ټینګار وکړ او د لا زیاتو همکاريو ډاډ یې ورکړ.
