د ننګرهار زون د ابتدائيه نظامي محکمې او د ځمکو له غصب څخه د مخنیوي تخنیکي هیئت ترمنځ د همغږۍ ناسته جوړیدل
د ننګرهار ولایت د ځمکو له غصب څخه د مخنیوي تخنیکي هیئت د روژې د مياشتې په لومړۍ نېټه د شنبې په ورځ، د ننګرهار زون د ابتدائيه نظامي محکمې له رئیس مولوي جليل احمد هلال سره د همغږۍ ناسته جوړه کړه.
په دې کتنه کې د ننګرهار ولایت د تخنیکي هیئت رئیس مولوي محمد ولي محسن د ځمکو له غصب څخه د مخنیوي تخنیکي هیئت د صلاحيتونو او اهدافو په اړه معلومات وړاندې کړل او د دغه هیئت فعالیتونه او لاسته راوړنې یې د يادې محکمې له ریاست سره شریکې کړې.
په ورته مهال، د ننګرهار زون د ابتدائيه نظامي محکمې رئيس د همغږۍ د پیاوړتیا په موخه د ورته ناستو په جوړویدو ټینګار وکړ او د ځمکو له غصب څخه د مخنیوي تخنیکي هیئت سره یې د لا زیاتو همکاريو ډاډ ورکړ.
