د میدان وردک ولایت له والي سره د یاد ولایت د ځمکو د غصب د مخنیوي د تخنیکي هیئت کتنه
د میدان وردک ولایت د ځمکو د غصب د مخنیوي تخنیکي هیئت د صفرالمظفر د میاشتې په ۱۹ نېټې د سه شنبې په ورځ د یاد ولایت له والي الحاج قاري بختیار معاذ سره وکتل او خبرې ورسره وکړې.
په دغې کتنه کې، د میدان وردک ولایت تخنیکي هیئت د یاد هیئت د فعالیتونو او لاسته راوړنو راپور د دغه ولایت والي ته وړاندې کړ او خپل ستونزې له نوموړي سره شریکې کړې.
د میدان وردک ولایت والي د دغه ولایت د تخنیکي هیئت له فعالیتونو او لاسته راوړنو څخه مننه او قدرداني څرګنده کړه او د یاد ولایت ټولو ولسوالانو ته یې لارښوونه وکړه چې د دغه ولایت له تخنیکي هیئت سره د ځمکو د غصب د مخنیوي په برخه کې هراړخیزه همکاري وکړي. دغه راز نوموړي د یاد ولایت د برښنا رئیس ته لارښوونه وکړه چې د تخنیکي هیئت په همغږۍ د یاد ولایت د چک بند د فابریکې د ځمکې موضوع ژر تر ژره حل او فصل کړي.
دغه راز د میدان وردک ولایت والي د یاد ولایت تخنیکي هیئت ته لارښوونه وکړه چې د کورنیو چارو د وزارت له پلاوي سره د دغه ولایت د پولو په تعیین کې همکاري وکړي.
