د میدان وردک ولایت د ځمکو د غصب د مخنیوي د تخنیکي هیئت ناسته جوړه شوه
د میدان وردک ولایت د ځمکو د غصب د مخنیوي د تخنیکي هیئت ناسته د شوال میاشت په ۲۴ نېټه د یکشنبې په ورځ د هیئت د رئیس او غړو په حضور سره جوړه شوه او د نرخ، دایمیرداد ولسوالیو اړوند د ځینو موضوعاتو او له محکمو څخه د ترلاسه شویو دوسیو په اړه په کې بحث او خبرې وشوې.
په دغې ناسته کې، د ۵۰۸۴ او ۴۵۷۶ کادستر قطعو د بررسۍ او متصرفینو ته یې د استعلام ویشلو په منظور یو هیئت توظیف شو او د دایمیرداد ولسوالۍ د عامه او خاصه مرعی د ځمکو د تفکیک په اړه یو شمېر دوسیې د حکم له پاره دوه یم ځل محکمې ته واستول شوې.
په دغې ناسته کې پریکړه وشوه چې د تخنیکي هیئت د رئیس په مشرۍ یو هیئت د دغه ولایت په مرکز کې له یوې ساحې څخه چې یو شخص له ښاروالۍ سره د دغې ساحې په اړه ادعا لري، لیدنه وکړي.
