د لوګر ولایت له نوي والي سره د یاد ولایت د ځمکو د غصب د مخنیوي د تخنیکي هیئت کتنه
د لوګر ولایت د ځمکو د غصب د مخنیوي تخنیکي هیئت د صفرالمظفر د میاشتې په ۲۰ نېټې د چهارشنبې په ورځ د لوګر له نوي والي مولوي ضیاء الرحمن مدني سره د دغه ولایت په مقر کې وکتل.
یاد هیئت د دغه ولایت نوي والي ته د خپلو فعالیتونو او اجراآتو په اړه معلومات وړاندې کړل او ژمنه یې وکړه چې په بشپړې همکارۍ سره به د دغه هيئت کارونه پرمخ وړي.
دغه راز یاد هیئت خپل کاري ناسته ترسره کړه او د دغه ولایت د محمد آغې ولسوالۍ په سرخ آباد ساحې کې د ګرګاو کاریز دوسیې په اړه یې بحث وکړ او د دعوا له لورو څخه يې اثباتیه مدارک وغوښتل.
